28
ڕۆژی پێنجشه‌ممه ١٦ی خاكه‌لێوه، شۆفێرانی تاكسی مه‌سیری مه‌یدان فرده‌وسی تا حاجی ئاوای سنه له ناڕه‌زایه‌تی به جێبه‌جێ نه‌كردنی داخوازییه‌كانیان ده‌ستیان له‌كار كێشایه‌وه و مانیان گرت.
به‌وته‌ی ناڕازیان، داهات و و تێچووی ژیانیان یه‌ك ناگرێته‌وه و تووشی ده‌یان كێشه‌ی مه‌عیشه‌تی بوون، به‌ڵام به‌رپرسانی ڕێكخراوی تاكسیڕانی هیچ بایه‌خێك به گرفته‌كانیان ناده‌ن. شۆفێرانی تاكسی سنه خوازیای زیادكردنی كرێی تاكسی بوون و ڕایانگه‌یاند: به‌نزین و كه‌ره‌سته‌ی یه‌ده‌كی ئۆتۆمبێل چه‌ند هێنده چووه‌ته سه‌ره‌وه به‌ڵام كرێ تاكسی وه‌كوو خۆی ماوه و چی تر ناتوانن له‌و باروودۆخه ناله‌باره كار بكه‌ن.
