62
ڕۆژی پێنجشه‌ممه ٢٥ی گه‌لاوێژ، كرێكارانی شاغڵ له مه‌یدانی نه‌وتی ئازه‌رمێهرانی ئیلام له ناڕه‌زایه‌تی به نه‌دانی داخوازییه‌كانیان ده‌ستیان له‌كار كێشا و مانیان گرت.
به‌پێی ڕاپۆرته‌كان، كرێكارانی مه‌یدانی نه‌وتی ئازه‌رمێهران په‌یوه‌ست به مانگرتنی كرێكارانی ئه‌ركان سالس و په‌یمانی نه‌وت له پڕۆژه‌كانی پارسی جنووبی بوون. كرێكارانی ناڕازی خوازیاری به‌ڕێوه‌چوونی یاسای ١٤ ڕۆژ كار- ١٤ ڕۆژ پشوودان، زیادكردنی ئاستی حه‌قده‌ست، وه‌لانانی په‌یمانكار، به‌كرده‌وه‌ده‌رهاتنی ماده‌ی ١٠ی ئه‌رك و به‌رپرسیاره‌تی پێرسۆنێلی نه‌وت، وه‌لانانی جیاوازی، دابینكردنی بیمه‌ی ده‌رمانی و ئیمكاناتی ڕیفاهی، به‌كرده‌وه‌ده‌رهاتنی گه‌ڵاڵه‌ی ڕیزبه‌ندی پیشه‌كان و له‌سه‌ركار لابردنی به‌ڕێوه‌به‌رانی ناكارامه بوون.
