198
كه‌شاوه‌رزانی ئیسفه‌هانی ڕۆژی دووشه‌ممه ٨ی گه‌لاوێژ، بۆ جارێكی دیكه له ئاست نه‌دانی حه‌ق ئاوه‌ی زایه‌نده‌ڕوود ناڕه‌زایه‌تیان ده‌ربڕی.
به‌پێی ئه‌و ویدیۆیانه‌ی له تۆڕه كۆمه‌ڵایه‌تیه‌كان بڵاو كراوه‌ته‌وه، كه‌شاوه‌رزانی ئیسفه‌هانی به تراكتۆره‌كانیانه‌وه له مه‌یدانی خۆراسگان مانیان گرتووه. كه‌شاوه‌رزانی ناڕازی به داخستنی جاده‌ی ئیسفه‌هان خوازیاری پێدانی حه‌ق ئاوه و قه‌ربووكردنه‌وه‌ی زیانه‌كانیان بوون. شایانی باسه كه كه‌شاوه‌رزانی ئیسفه‌هانی داوایان له هاوكاره‌كانیان كردووه به مه‌به‌ستنی گه‌یشتن به داخوازییه‌كانیان، په‌یوه‌ست به‌و مانگرتنه بن.
