مانگرتنی گشتی كارمه‌ندان و مامۆستایان له‌ سلێمانی

ماوه‌ی دوو ڕۆژه‌ مامۆستایانی قوتابخانه و كارمه‌ندانی ئیداری پارێزگای سلێمانی دژ به‌ نه‌دانی حه‌قده‌ست ده‌ستیان له‌ كار كێشاوه‌ و داوای پێدانی داخوازییه‌كانیان ده‌كه‌ن.

به‌پێی زانیارییه‌كان، مامۆستایانی قوتابخانه و كارمه‌ندانی ئیداری پارێزگای سلێمانی ماوه‌ی دوو مانگه‌ حه‌قده‌ستیان وه‌ر نه‌گرتووه‌، به‌و بۆنه‌وه‌ مانگرتنی گشتیان ڕاگه‌یاندووه‌ و داوای پێدانی داخوازییه‌كانیان ده‌كه‌ن.  ناڕازیان به‌ به‌ده‌سته‌وه‌گرتنی پلاكارد و كۆبوونه‌وه‌ خوازیاری ناردنی مووچه‌كانیان له‌لایه‌ن ده‌وڵه‌تی فیدڕاڵی عێراق بوون و ڕایانگه‌یاند: به‌هۆی نه‌دانی حه‌قده‌ست له‌ دۆخێكی سه‌خت دا ژیان به‌سه‌ر ئه‌به‌ن.