چوار به‌ندكراو به ناوه‌كانی وه‌حید چاوران، ناسر ڕه‌زایی، محه‌ممه‌دحسێن ناسری خه‌ڵكی ئاودانان و دكتۆر به‌ختیار محه‌ممه‌دزاده خه‌ڵكی ده‌ڕه‌شار، له ڕۆژی ١٢ی خه‌رمانانی ئه‌مساڵه‌وه مانیان له خواردن گرتووه و گیانیان له مه‌ترسی دایه.
ئه‌و چوار به‌ندكراوه له سه‌رده‌می شۆڕشی ژینا ده‌ستبه‌سه‌ر و پاش ئه‌شكه‌نجه و ئازارێكی زۆر به دانانی وه‌سیقه ئازاد كران. پاش ماوه‌یه‌ك ئیتلاعاتی سپای پاسداران په‌روه‌نده سازی بۆیان كرد و ڕه‌وانه‌ی گرتووخانه‌ی ئه‌و ناوه‌نده كران. ماوه‌ی چه‌ند مانگه وه‌حید چاوران، ناسر ڕه‌ه‌زایی، محه‌ممه‌د حسێن ناسری و دكتۆر به‌ختیار محه‌ممه‌دزاده بیلاته‌كلیف له زیندان دا ماونه‌ته‌وه. وه‌حید چاوران به‌هۆی پێدانی ده‌رمانی نه‌ناسراو تووشی كێشه‌ی سه‌ختی ده‌روونی بووه و هاوبه‌ندییه‌كانی نیگه‌رانی ته‌ندرووستی ناوبراون. ئه‌و چوار به‌ندكراوه له ڕۆژی ١٢ی خه‌رمانانی ئه‌مساڵه‌وه دژبه هه‌ڵسووكه‌وتی وه‌حشیانه‌ی مه‌ئموورانی ڕژیم و ناڕوونی چاره‌نووسیان، لێوه‌كانیان دووریوه و مانیان گرتووه.
