32
ڕۆژی سێشه‌ممه ١ی ڕه‌شه‌مه‌ی ١٤٠٢، كرێكارانی شاغڵ له شیركه‌تی مللی فولادی ئه‌هواز بۆ جارێكی دیكه دژبه جێبه‌جێ نه‌كردنی داخوازییه‌كانیان ده‌ستیان له‌كار كێشایه‌وه و له ناوه‌ندی شیركه‌ت كۆبوونه‌وه.
كرێكارانی گرووپی مللی فولادی ئه‌هواز خوازیاری به‌كرده‌وه‌ده‌رهاتنی گه‌ڵاڵه‌ی ڕیزبه‌ندی پیشه‌كان، هاوسانسازی حه‌قده‌ست، گه‌ڕانه‌وه‌ی هاوكاره له‌سه‌ركار ده‌ركراوه‌كانیان بۆ كارخانه، زیادكردنی ئاستی حه‌قده‌ست و مه‌زایا، وه‌لانانی به‌ڕێوه‌به‌رانی ناكارامه و دابینكردنی ئه‌منیه‌تی پیشه‌یی و بیمه بوون. شایانی باسه كه هاوكات له‌گه‌ڵ مانگرتنی كرێكاران، ژماره‌یه‌ك له كرێكارانی بێكار كراو به هه‌ڵدانی خێوه‌ت له‌به‌رده‌م شیركه‌ت ناڕه‌زایه‌تی خۆیان له ئاست له‌سه‌ركارده‌ركردنیان نیشان دا.
