63
“پوویا قوبادی”، “بابه‌ك عه‌لیپور”، “ئه‌بۆلحه‌سه‌ن مۆنته‌زر” و “سه‌یدمحه‌ممه‌د ته‌قه‌وی” ڕۆژی ٣١ی گوڵانی ١٤٠٣،له‌لایه‌ن لقی ٥ی دادسه‌رای گشتی و ئینقلابی تاران به به‌غی(چالاكی چه‌كدارانه دژبه كۆماری ئیسلامی) تۆمه‌تبار كران.
به‌پێی زانیارییه‌كان، “پوویا قوبادی”، “بابه‌ك عه‌لیپور”، “ئه‌بۆلحه‌سه‌ن مۆنته‌زر” و “سه‌یدمحه‌ممه‌د ته‌قه‌وی” له‌لایه‌ن ده‌زگای قه‌زایی ڕژیمه‌وه به “ئه‌ندامه‌تی و هاوكاری له‌گه‌ڵ گرووپه دژبه‌ره‌كانی ڕژیم” به به‌غی و هه‌روه‌ها به “ته‌بلیغ دژ به نیزام” تۆمه‌تبار كراون. ڕۆژی سێشه‌ممه ١ی جۆزه‌ردان، ئه‌و چوار به‌ندكراوه سیاسیه هاوڕێ له‌گه‌ڵ “وه‌حید به‌نی عامریان” كه ئه‌ویش به به‌غی تۆمه‌تبار كراوه، له گرتووخانه‌ی وه‌زاره‌تی ئیتلاعاتی ئێڤین ناسراو به به‌ندی ٢٠٩، بۆ به‌ندی كه‌ره‌نتینه‌ی زیندان گوازراونه‌ته‌وه.
