به‌پێی هه‌واڵی گه‌یشتوو، خه‌ڵكی شاره‌كانی ڕۆژهه‌ڵاتی كوردستان له ئاست بڕانی به‌رده‌وامی كاره‌با ناڕازین و ده‌ڵێن: قه‌تعی بێ به‌رنامه‌ی كاره‌با زیانی له ژیان و كه‌سابه‌تیان داوه.
به وته‌ی هاونیشتمانیان، ڕۆژانه به بۆنه‌ی قه‌تعی به‌رق چه‌ند كاتژمێر له ڕیزدا ده‌وه‌ستن و هه‌موو شه‌قامه سه‌ره‌كییه‌كانی شاره‌كانی كوردستان تووشی ترافیكێكی قورس بووه. هه‌ندێك له كادری ده‌رمان باس له بڕانی كاره‌با له نه‌خۆشخانه‌كان و سازبوونی مه‌ترسی له‌سه‌ر گیانی نه‌خۆشه‌كان ده‌كه‌ن، خوێندكارانی زانكۆش ده‌ڵێن: به‌هۆی نه‌بوونی كاره‌با ژووره‌كانی خوێندن داده‌خرین و له پڕۆسه‌ی خوێندن دوا ده‌كه‌ون. كاسبكارانی نێو بازاڕ و ماركێته‌كان باس له زیانی ماڵی ده‌كه‌ن و بازاڕیان داوا له هاوپیشه‌كانیان ده‌كه‌ن دژ به ناكارامه‌یی حكوومه‌ت مانگرتنی سه‌راسه‌ری به‌ڕێوه ببه‌ن.
