9
ڕۆژی سێشه‌ممه ٢٢ی خه‌زه‌ڵوه‌ری ١٤٠٣، خوێندكارانی زانكۆی خواجه نه‌سیری تاران پاش گیانبه‌ختكردنی یه‌كێك له هاوڕێكانیان به‌هۆی كه‌مته‌رخه‌می حه‌راسه‌ت، كۆبوونه‌وه و خوازیاری ده‌ست له‌كار كێشانه‌وه‌ی سه‌رۆكی زانكۆ بوون.
به‌پێی زانیارییه‌كان، خوێندكارێكی بواری كیمیا له زانكۆی خواجه‌نه‌سیری تاران به ناوی “ئه‌میر چگینی“، له نهۆمی چواره‌مه‌ی به‌شی ناوخۆیی به‌ربووه‌ته‌وه خواره‌وه و به‌سه‌ختی بریندار بووه، به‌ڵام به‌هۆی نه‌بوونی ئامبۆڵانس و دێر هاتنی ئۆرژانس، گیانی له‌ده‌ست داوه. پاش ئه‌و ڕووداوه خوێندكاران له نێو مه‌حه‌وه‌ته‌ی زانكۆدا كۆبوونه‌وه و به وتنه‌وه‌ی دروشم خوازیاری ده‌ست له‌كاركێشانه‌وه‌ی سه‌رۆكی زانكۆ و سزادانی مه‌ئموورانی حه‌راسه‌ت بوون.
