61
ڕۆژی دووشه‌ممه ١٦ی ڕێبه‌ندان، كرێكارانی له‌سه‌ركارده‌كراوی به‌ندئاوی “دز” له شارستانی ئه‌ندیمشك، بۆ هه‌شته‌مین ڕۆژی به‌رده‌وام له ئاست بیلاته‌كلیف بوونیان كۆبوونه‌وه.
به‌پێی ڕاپۆرته‌كان، نوێنه‌ری شارستانی ئه‌ندیمشك له مه‌جلیسی كۆنه‌په‌ره‌ستی كۆماری ئیسلامی، ده‌یان كرێكاری شاغڵ له پڕۆژه‌ی وزه‌خانه‌ی به‌ندئاوی “دز”ی بێكار كردووه و خزم و كه‌س و كاری خۆی له جێگه‌یان دامه‌زراندووه. كرێكارانی ناڕازی ده‌ڵێن: به‌بێ هۆكار بێكار كراون و ته‌نانه‌ت حه‌قده‌ست و مه‌زایا دواخراوه‌كانیان په‌رداخت نه‌كراوه، ئێستا هیچ به‌رپرسێكی ئوستانی خووزستان وڵامی داخوازییه‌كانیان ناداته‌وه و له بیلاته‌كلیفی دا ماونه‌ته‌وه.
