ناڕه‌زایه‌تی كرێكارانی شاره‌داری له‌ شاری سنه‌

ڕۆژی سێشه‌ممه‌ ٢٢ی ڕه‌شه‌مه‌، كرێكارانی شاره‌داری سنه‌ له‌ ئاست نه‌دانی داخوازییه‌كانیان ناڕه‌زایه‌تیان دره‌بڕی.

به‌پێی زانیارییه‌كان، كرێكارانی شاره‌داری سنه‌ ماوه‌ی سێ بۆ چوار مانگه‌ حه‌قده‌ستیان وه‌ر نه‌گرتووه‌ و له‌ دۆخێكی خراپدا ژیان به‌سه‌ر ئه‌به‌ن. به‌وته‌ی كرێكاران، نزیك سه‌ر ساڵ بوونه‌ته‌وه‌ به‌ڵام هێشتا جێژنانه‌ و پاداشی كۆتایی ساڵیان وه‌ر نه‌گرتووه‌ و به‌رپرسانی شاره‌داری وڵامی داواكارییه‌كانیان ناده‌نه‌وه‌.