20
كرێكارانی بێكاركراوی كارخانه‌ی نه‌ساجی پارسیلۆن له خۆڕه‌م ئاوا، ڕۆژی شه‌ممه ١٩ی خه‌زه‌ڵوه‌ر، له ئاست ناڕوونی دۆخی پیشه‌یی و نه‌دانی داخوازییه دواخراوه‌كانیان كۆبوونه‌وه.
به وته‌ی كرێكارانی ناڕازی، ماوه‌ی ده ساڵه كار و چالاكییه‌كانی كارخانه‌ی نه‌ساجی پارسیلۆنی خۆڕه‌م ئاوا به‌هۆی ڕاده‌ستكردنی به كه‌رتی تایبه‌ت ڕاگیراوه. پێشتر دوو هه‌زار كرێكار له‌و ناوه‌نده سه‌نعه‌تییه كاریان ده‌كرد، به‌ڵام به‌هۆی بێكاركردنی ٩٩ له سه‌دی كرێكاران، ته‌نیا ١٥ بۆ ٢٠ كرێكار له‌و كارخانه‌یه ماونه‌ته‌وه. ناڕازیان هه‌روه‌ها ڕایانگه‌یاند: به‌شێك له داخوازییه‌كانیان هێشتا په‌رداخت نه‌كراوه و له بیلاته‌كلیفی دا ماونه‌ته‌وه.
