38
په‌ره‌ستارانی شاغڵ له نه‌خۆشخانه‌ی بێهبه‌هان، ڕۆژی یه‌كشه‌ممه ١١ی خه‌رمانان، هاوكات له‌گه‌ڵ هاوكاره مانگرتووه‌كانیان له شاره‌كانی دیكه‌ی ئێران ده‌ستیان له كار كێشا و كۆبوونه‌وه.
به‌پێی ڕاپۆرته‌كان، په‌ره‌ستاران و كادری ده‌رمانی زیاتر له ٥٠ نه‌خۆشخانه له ئێران دژبه جێبه‌جێ نه‌كردنی داخوازییه‌كانیان مانیان گرتوو و ده‌وڵه‌ت هێشتا هه‌نگاوی بۆ چاره‌سه‌ركردنی كێشه‌كانیان هه‌ڵ نه‌گرتووه. په‌ره‌ستارانی ئێرانی خوازیاری زیادكردنی حه‌قده‌ست، به‌كرده‌وه‌ده‌رهاتنی گه‌ڵاڵه‌ی ڕیزبه‌ندی، كه‌م كردنه‌وه‌ی ساعه‌تی كار، پێدانی ئیزافه‌كاری و كارانه، چوونه‌سه‌ره‌وه‌ی ته‌عرفه‌ی په‌ره‌ستاری، ته‌زمینی ئه‌منیه‌تی پیشه‌یی، دامه‌زراندنی هێزی كاری نوێ و ڕێگری له كۆچكردنی كادری ده‌رمان بۆ ده‌ره‌وه‌ی وڵات بوون.
