ناڕه‌زایه‌تی پێرسۆنێلی ئۆرژانس له‌ تاران

ڕۆژی دووشه‌ممه‌ ١١ی خاكه‌لێوه‌ی ١٤٠٤، پێرسۆنێلی ئۆرژانسی تاران له‌ ئاست نه‌دانی مه‌زایای پیشه‌یی ناڕه‌زایه‌تیان ده‌ربڕی و خوازیاری بایه‌خ دان به‌ كێشه و گرفته‌كانیان بوون.

ڕۆژی ڕابردوو سه‌رۆكی ئۆرژانسی تاران ڕایگه‌یاند: پێرسۆنێلی ئه‌و ناوه‌نده‌ ماوه‌ی یه‌ك ساڵه‌ كارانه و ئیزافه‌كارییان وه‌ر نه‌گرتووه‌ و له‌ دۆخێكی خراپ دا ده‌ژین. ئه‌و به‌رپرسه‌ حكوومه‌تیه‌ هه‌روه‌ها وتی: نه‌دانی مه‌زایای پیشه‌یی كارمه‌ندانی ئه‌و به‌شه‌ ڕاسته‌وخۆ كاریگه‌ری له‌سه‌ر پێشكه‌شكردنی خزمه‌تگوزاری به‌ خه‌ڵك داناوه‌ به‌ڵام به‌رپرسانی وه‌زاره‌تی بێهداشت حازر نین له‌ بواره‌كانی دابینكردنی ده‌رمان، كڕینی ئامێری پزیشكی و پارچه‌ی یه‌ده‌ك بۆ ئامبۆڵانسه‌كان یارمه‌تیان بده‌ن و ده‌ڵێن: بوددجه‌مان نییه‌.