37
چاره‌نووسی “سوله‌یمان حاجی خزری” شارومه‌ندی خه‌ڵكی مهاباد وێڕای تێپه‌ڕبوونی یه‌ك حه‌فته به‌سه‌ر كاتی ده‌ستبه‌سه‌ركرانی، به ناڕوونی ماوه‌ته‌وه.
“سوله‌یمان حاجی خزری” خه‌ڵكی گوندی “تاڵاو”ی سه‌ر به شاری مهاباد، له ڕێكه‌وتی ١ی ڕێبه‌ندانی ١٤٠٢، به‌بێ به‌ڵگه‌ی قه‌زایی له‌لایه‌ن هێزه‌كانی حكوومه‌ته‌وه ده‌ستبه‌سه‌ر كرا. به‌پێی زانیارییه‌كان، به‌دواداچوونی بنه‌ماڵه‌ی ئه‌و به‌ندكراوه تا به ئه‌مڕۆ بێ ئاكام بووه و هیچ زانیارییه‌ك له‌سه‌ر هۆكاری به‌ندكران و شوێنی ڕاگیرانی له‌به‌رده‌ستدا نییه.
