5
ماوه‌ی ٢٣ ڕۆژه دوو هاووڵاتی خه‌ڵكی بانه به ناوه‌كانی خه‌لیل فه‌خری ته‌مه‌ن ٥٣ ساڵ و ڕه‌سووڵ فه‌خری ٥٢ ساڵ له‌لایه‌ن هێزه‌كانی حكوومه‌ته‌وه ده‌ستبه‌سه‌ر كراون و چاره‌نووسیان به ناڕوونی ماوه‌ته‌وه.
خه‌لیل و ڕه‌سووڵ فه‌خری هه‌ر دوو برا و خه‌ڵكی شاری بانه كه له ڕێكه‌وتی ١٣ی سه‌رماوه‌زی ئه‌مساڵ له‌لایه‌ن هێزه ئه‌منیه‌كانه‌وه ده‌ستبه‌سه‌ر و ڕاگوێزی گرتووخانه‌ی ئیتلاعاتی سنه كراون. به وته‌ی سه‌رچاوه‌كانی هه‌واڵ، به‌دواداچوونی بنه‌ماڵه‌ی فه‌خری تا به ئه‌مڕۆ ئاكامێكی نه‌بووه و هۆكاری به‌ندكرانیان ڕوون نییه.
