7
به‌پێی ڕاپۆرتی ڕێكخراوه‌كانی مافی مرۆڤ، چاره‌نووسی چالاكێكی مه‌ده‌نی خه‌ڵكی سنه به ناوی ئازاد ڕه‌حیمی، ته‌مه‌ن ٣٢ ساڵ، پاش ڕفاندن له‌لایه‌ن هێزه‌كانی حكوومه‌ت به ناڕوونی ماوه‌ته‌وه.
ئازاد ڕه‌حیمی ٤٥ ڕۆژ له‌مه‌وبه‌ر له ڕێگای نێوان سنه بۆ مه‌ریوان له‌لایه‌ن ئیتلاعاتی سپای پاسدارانه‌وه ده‌ستبه‌سه‌ر و پاش لێپرسینه‌وه ڕه‌وانه‌ی زیندانی مه‌ریوان كراوه. به وته‌ی چالاكانی شاری مه‌ریوان، به‌دواداچوونی بنه‌ماڵه‌ی ئازاد هیچ ئاكامێكی نه‌بووه و زانیارییه‌كیان له‌سه‌ر هۆكاری به‌ندكرانی ناوبراو ده‌ست نه‌كه‌وتووه.
