ناڕوونی چاره‌نووسی “یاسر حسێنی” له‌ گرتووخانه‌ی ئیداره‌ی ئیتلاعات

به‌پێی ڕاپۆرتی ناونده‌كانی مافی مرۆڤ، “یاسر حسێنی” شارومه‌ندی خه‌ڵكی كامیاران پاش ١٧ ڕۆژی به‌ندكران له‌ گرتووخانه‌ی ئیتلاعاتی ئه‌و شاره‌، چاره‌نووسی به‌ ناڕوونی ماوه‌ته‌وه‌.

“یاسر حسێنی” ڕۆژی دووشه‌ممه‌ ٢٣ی ڕێبه‌ندانی ١٤٠٢، له‌ شوێنی كاره‌كه‌ی(دووكانی فرۆشتنی كه‌لووپه‌لی نێو ماڵ) له‌ شاری كامیاران به‌بێ به‌ڵگه‌ی قه‌زایی ده‌ستبه‌سه‌ر كرا. وێڕای به‌دواداچوونی بنه‌ماڵه‌ی حسێنی و سه‌ردانكردنیان بۆ ئیداره‌ی ئیتلاعات و دادگوسته‌ری ئه‌و شاره‌، هیچ زانیارییه‌ك له‌سه‌ر چاره‌نووسی ئه‌و هاووڵاتیه‌ له‌به‌رده‌ستدا نییه‌.