کۆمیتەی ڕاستیدۆزی سەربەخۆی نەتەوە یەکگرتووەکان لە بوارى مافەکانی مرۆڤ لە ئێران، لە ڕاگەیەندراوێکدا، بە توندی نیگەرانیی خۆی سەبارەت بە دۆخی زیندانییان لە ئێران دوای دەستپێکردنی جەنگ و هەروەها پچرانی درێژخایەنی ئینتەرنێت لە وڵات دەربڕی.
کۆمیتەکە لەسەر بابەتی دەستبەسەرکراوان، بە تایبەتی ئاماژەی بە دەستبەسەرکراوانی ناڕەزایەتییەکانی مانگی ڕێبەندان ۱۴۰۴ و هەروەها دەستبەسەرکراوانی دوای جەنگ کردووە. ئەم کۆمیتەیە هەروەها لە پچڕانی بەردەوام و نزیکەی سەد لە سەدی ئینتەرنێت لە وڵات، سەرکوتکردنی چالاکوانانی کۆمەڵگەی مەدەنی و ئێعدامەکانی ئەم دواییانە کە بە تۆمەتی ئەمنی لەلایەن دەزگای دادوەرییەوە جێبەجێ کراون، بە توند ینیگەرانیی خۆی دەربڕی. لە لایەکی ترەوە، کۆمیتەی ڕاستیدۆز، ئاماژەی بە قوربانیبوونی خەڵکی مەدەنی و زیان گەیشتن بە ژێرخانە مەدەنییەکان لە ئێران کردووە و جەختی کردووەتەوە کە هێرشەکانی ئەمریکا و ئیسرائیل «زیانێکی فراوانی» بە ژیانی خەڵکی ئێران گەیاندووە. ئەم کۆمیتەیە هۆشداری داوە کە هەندێک لەم هێرشانە لە ئەگەری پشتڕاستبوونەوەدا دەتوانن وەک تاوانی جەنگی هەژمار بکرێن.
