93
“عه‌لی ئاقامحه‌ممه‌دی” سه‌رۆكی گرووپی ئابووری ده‌فته‌ری عه‌لی خامنه‌یی ڕۆژی سێشه‌ممه ٢٢ی ڕه‌شه‌مه ڕایگه‌یاند: یه‌ك ملیۆن و ٨٠٠ هه‌زار كه‌س له دوو هه‌زار و ٢٠ گه‌ڕه‌كی ئێران دا هیچ داهاتێكیان نییه.
به‌وته‌ی ئه‌و به‌رپرسه‌ی ڕژیم، جیا له‌و یه‌ك ملیۆن و ٨٠٠ هه‌زار كه‌سه، پێنج ملیۆن كه‌س له دۆخێكی دژواردا ژیان به‌سه‌ر ئه‌به‌ن و منداڵه‌كانیان هاوكات له‌گه‌ڵ خوێندن، نان ئاوه‌ری خێزانه‌كانیانن. زۆربه‌ی منداڵه‌كان توانای به‌شدرای له كۆنكوریان نییه و به‌شێكی زۆریان وازیان له خوێند هێناوه. وته‌كانی ئه‌و به‌رپرسه‌ی ڕژیم له حاڵێكدایه كه ناوبراو مانگی گوڵانی ئه‌مساڵ وتبووی، ١٩ ملیۆن و ٧٠٠ هه‌زار كه‌س له جه‌معیه‌تی ئێران له ئیمكاناتی سه‌ره‌تایی وه‌كوو مه‌سكه‌ن، كار، په‌روه‌رده تا ١٢ی كۆتایی، خۆراك و پۆشاك بێبه‌شن.
