هه‌ڵمه‌تی چاندنی نه‌مام له‌ داوێنی كێوی جاقڵ

ڕۆژی یه‌كشه‌ممه‌ ٢٤ی خاكه‌لێوه‌ی ١٤٠٤، كۆمه‌ڵێك له‌ ژینگه‌دۆستانی شاری سه‌قز له‌ داوێنی چیای جاقڵ ده‌یان نه‌مامیان بۆ ڕێزگرتن له‌ یادی هه‌موو گیانبه‌ختكردووانی ڕێگای ئازادی و به‌رابه‌ری چاند.

به‌شداربووانی ئه‌و چالاكییه‌ به‌ چاندنی نه‌مام له‌ داوێنی چیای جاقڵ، په‌یمانیان له‌گه‌ڵ ئاواتی هه‌موو گیانبه‌ختكردووانی ڕێگای ئازادی و به‌رابه‌ری نوێ كرده‌وه‌ و به‌ڵێنیان دا درێژه‌ده‌ری ڕێبازی پیرۆزیان بن. ژینگه‌دۆستان هه‌روه‌ها داوایان له‌ خه‌ڵكی كوردستان كرد پاكی و خاوێنی سرووشت بپارێزن و له‌ كاتی گه‌شت و سه‌یران دا زبڵ و پاشماوه‌ له‌دوای خۆیان دا به‌جێ نه‌هێڵن.