ڕێکخراوی لێبوردنی نێودەوڵەتی بە بڵاوكردنەوەی نامەیەکی کراوە، ڕوو لە سیستەمی قه‌زایی کۆماری ئیسلامی خوازیاری هه‌ڵوه‌شاندنه‌وه‌ی سزای ئێعدامی تووماج ساڵحی و ئازادی بێ شه‌رت و مه‌رجی ئه‌و هونه‌رمه‌نده بوو.
ڕێكخراوی لێبوردنی نێوده‌وڵه‌تی له نامه‌كه‌یدا نووسیوه: تووماج ساڵحی، ڕه‌پری ناڕازی، لە خاكەلێوەی ئەمساڵدا له‌لایه‌ن دادگای ئینقلابی ئیسفه‌هانه‌وه به بیانووی بەشداریکردن لە بزووتنه‌وه‌ی “ژن،ژیان،ئازادی” و بڵاوکردنی بابه‌تی ڕه‌خنه‌گرانه له په‌یجی ئینستاگرامی،سزای لەسێدارەدانی بەسەردا سەپێندراوە. جه‌له‌سه‌ی دادگایی كردنی ئه‌و به‌ندكراوه نادادپه‌روه‌رانه بووه و به‌رپرسانی ده‌زگای قه‌زایی ڕژیم سكاڵاكانی تووماجیان سه‌باره‌ت به ئه‌شكه‌نجه‌دانی له‌لایه‌ن هێزه ئه‌منیه‌تیه‌كانه‌وه ڕه‌د كردووه. ئه‌و ڕێكخراوه‌یه له كۆتاییدا خوازیاری هه‌ڵوه‌شاندنه‌وه‌ی سزای ئێعدامی تووماج و ئازادی بێ شه‌رت و مه‌رجی بوو.
