شه‌وی دووشه‌ممه ١٣ی ڕه‌شه‌مه‌ی ١٤٠٣، فڕۆكه‌كانی ئیسڕائیل هێرشێكی چڕ و پڕیان كرده سه‌ر كه‌ناراوه‌كانی ته‌رتووس و لازقییه و به ده‌یان تیرۆریستی ته‌حریر شام له‌و هێرشانه‌دا كوژران.
ڕۆژی ڕابردوو بنیامین ناتانیاهۆ ڕایگه‌یاندبوو كه تیرۆر وەك رابردوو نامێنێت، به‌چۆك داهێنانی حیزبۆڵڵای لوبنان و له‌ناوبردنی ئه‌رته‌شی ئەسەد، دەستمان درێژكردووە بۆ هاوپەیمانە دروزەكان و دۆستە كوردەكانمان لە سووریه و ڕێگه ناده‌ین تیرۆریستانی سه‌ر به ده‌وڵه‌تی توركیا هێرش بكه‌نه سه‌ریان. ڕۆژی یه‌كشه‌ممه‌ش تیرۆریستانی به ناوی ئه‌رته‌شی میللی سووریه هێرشیان كردبووه سه‌ر دروزه‌كانی گه‌ڕه‌كی جێرمانان له ده‌ورووبه‌ری دیمه‌شق و شه‌ڕێكی سه‌خت له نێوان چه‌كدارانی سه‌ر به مه‌جلیسی نیزامی دروزه‌كان و تیرۆریستانی ئه‌حمه‌د شه‌رع دا ڕووی دابوو. دەزگای هەواڵگری وڵاتی چینیش داوای لە بەرپرسانی ده‌وڵه‌تی نوێی سووریه كردووه کە چەکدارە بیانیەکان ڕادەستی ئه‌و وڵاته بکات بەتایبەت ئه‌وانه‌ی له بواری فڕۆكه‌ی بێقڕۆكه‌وان دا شارەزان.
