به‌یانی چوارشه‌ممه ١٤ی سه‌رماوه‌زی ١٤٠٣، هێزه‌كانی ئیداره‌ی ئیتلاعاتی ته‌ورێز هێرشیان كرده سه‌ر ماڵی نێگار ده‌باغی، له ده‌ستبه‌سه‌ركراوانی شۆڕشی ژینا و مۆبایل، له‌ب تاپ و كه‌لووپه‌له شه‌خسییه‌كانی ناوبراویان زه‌وت كرد.
نێگار ده‌باغی له سه‌رده‌می شۆڕشی ژینا ده‌ستبه‌سه‌ر و ئازار درا. ماوه‌یه‌ك له‌مه‌وبه‌ر ئه‌و چالاكه مه‌ده‌نییه بۆ جارێكی دیكه له‌لایه‌ن ئیداره‌ی ئیتلاعاته‌وه ده‌ستبه‌سه‌ر و پاش چه‌ند ڕۆژ به دانانی وه‌سیقه‌ی ٤٠٠ ملیۆنی له كرتووخانه ئازاد كرا. هه‌ر چه‌ند ناوبراو به فه‌رمی ڕایگه‌یاندووه كه سه‌ر به هیچ حیزب و لایه‌نێكی سیاسی نییه، به‌ڵام ناوه‌نده ئه‌منیه‌تیه‌كانی ڕژیم ده‌یانه‌وێت سیناریۆسازی بۆ بكه‌ن. نیگار پێشتر له په‌یامێكی ویدیۆیی دا ڕایگه‌یاندبوو كه گوشاریان بۆ هێناوه داوای لێبۆردن بكات، به‌ڵام ئه‌و قبووڵی نه‌كردووه و وتوویه كه په‌شیمان نییه و داوای لێبوردنیش ناكات.
