24
ڕۆژی پێنجشه‌ممه ١١ی ڕه‌زبه‌ری ١٤٠٣، به‌كرێگیراوه ئیسلامگه‌راكانی سه‌ر به ده‌وڵه‌تی توركیا له شاری سه‌ریكانی له ڕۆژئاوای كوردستان، هێرشیان كرده سه‌ر دانیشتووانی كوردی ئه‌و شاره و چه‌ند كه‌سیان ده‌ستبه‌سه‌ر كرد.
به‌پێی زانیارییه‌كان، هێزه‌كانی سه‌ر به ڕژیمی فاشیستی توركیا به بڕیاری دادسه‌رای پارێزگای ڕۆحا له باكووری كوردستان، هه‌ڵیانكووتاوه‌ته سه‌ر ماڵی چه‌ند شارومه‌ند و دوو كه‌س كه یه‌كێكیان مێرمنداڵێكی ته‌مه‌ن ١٧ ساڵ بوو، ده‌ستبه‌سه‌ر و ده‌ستیان به سه‌ر كه‌لووپه‌له شه‌خسیه‌كانیان دا گرتووه.
