43
شه‌وی چوارشه‌ممه ١٦ی ڕه‌شه‌مه، به‌كرێگیراوانی ڕژیم له شاری قوروه به شێوه‌ی وه‌حشیانه هێرشیان كرده سه‌ر ماڵی دایه “مه‌حبووبه عه‌باسی”، دایكی “عارف نادری” چالاكی سیاسی دانیشتووی ده‌ره‌وه‌ی وڵات و درگا و په‌نجه‌ره‌ی ماڵه‌كه‌یان شكاند.
به‌پێی ڕاپۆرته‌كان، هێزه‌كانی سپای پاسداران به كاتی نیوه‌شه‌و هێرشیان كردۆته سه‌ر ماڵی دایكی “عارف نادری” و وێڕای شكاندنی شیشه و په‌نجه‌ره‌كان، وشه‌ی ناشیاویان به‌سه‌ر دیواری ماڵه‌كه‌وه نووسیوه. هه‌روه‌ها به شێوه‌یه‌كی وه‌حشیانه هه‌ڕه‌شه‌ی توندیان له دایك و خۆشكی ئه‌و چالاكه سیاسیه كردووه. پێشتر دایه مه‌حبووبه سكاڵای له دژی به‌كرێگیراوانی ڕژیم تۆمار كردبوو، ڕۆژی پێنجشه‌ممه هێزه‌كانی پۆلیس هاتوون و ته‌نیا سوره‌ت جه‌له‌سه‌یان كردووه و ڕۆیشتوون.
