5
ڕۆژی سێشه‌ممه ٥ی خاكه‌لێوه‌ی ١٤٠٤، چالاكانی ژینگه‌یی دیاربه‌كر له باكووری كوردستان و دانیشتووانی شاری چنار، دژ به بڕینه‌وه‌ی دارستانه‌كان له‌لایه‌ن ده‌وڵه‌ته‌وه خۆپێشاندانیان كرد، به‌ڵام هێزه‌كانی پۆلیس هێرشیان كرده سه‌ریان و تێكهه‌ڵچوون ڕوویدا.
به‌پێی ڕاپۆرتی مێزۆپۆتامیا، به‌كرێگیراوانی ده‌وڵه‌تی توركیا به مه‌به‌ستی لێدانی مه‌عده‌نێكی ڕێخ و لم ده‌یان داری ناوچه‌ی چناریان بڕێوه‌ته‌وه. له‌ناوبردنی ژینگه‌یی ئه‌و شاره كاردانه‌وه‌ی ژینگه‌دۆستان و دانیشتووانی شاره‌كه‌ی به‌دوای خۆیدا هێناوه، به‌ڵام هێزه‌كانی پۆلیس هێرشیان كردووه‌ته سه‌ر كۆبوونه‌وه‌ی خه‌ڵك و وێڕای زه‌وتكردنی مۆبایلی خۆپێشانده‌ران، ته‌قه‌یان به‌سه‌ریان دا كردووه.
