ڕۆژی سێشه‌ممه ٥ی خاكه‌لێوه‌ی ١٤٠٤، هه‌زاران ژن و پیاوی ئازادیخواز له پارێزگاكانی كرماشان و ئیلام مه‌راسیمه‌كانی نه‌ورۆزیان به شێوه‌یه‌كی شكۆدار به‌ڕێوه برد.
به وته‌ی سه‌رچاوه‌كانی هه‌واڵ، سه‌ره‌ڕای هه‌ڕه‌شه‌ی ناوه‌نده ئه‌منیه‌تیه‌كانی ڕژیم، ده‌یان هه‌زار ژن و پیاوی ئازادیخواز و به‌رابه‌ری ته‌ڵه‌بی شاباد، گێڵانغه‌رب، چه‌رداوڵ و ئابدانان ئاگیری نه‌وڕۆزیان داگیرساندووه و به‌ده‌وری دا سه‌مایان كردووه. ژنانی یه‌كسانیخواز به تۆڕدانی حیجابی ئیجباری هاوڕێ له‌گه‌ڵ پیاوان دروشمی ژن،ژیان،ئازادییان وتووه‌ته‌وه و هیوای سه‌ركه‌وتنیان له ساڵی تازه بۆ هه‌موو خه‌ڵكی ئێران خواستووه. له‌لایه‌كی دیكه‌وه خه‌ڵكی به‌شدار له مه‌راسیمی نه‌ورۆزی گێڵانغه‌رب به به‌ده‌سته‌وه‌گرتنی پلاكارد پشتیوانی خۆیان له كوردانی شاری ورمێ ده‌ربڕیوه و ئاڵای ده‌وڵه‌تی فاشیستی توركیایان سووتاندووه.
