9
ڕۆژی پێنجشه‌ممه ٢٧ی به‌فرانبار، بنه‌ماڵه دادخوازكانی فوئاد سه‌واری له دیوانده‌ره و ڕامین حسێن په‌ناهی له دێولان له دوو په‌یامی ویدیۆیی دا خوازیاری هه‌ڵوه‌شانه‌وه‌ی سزای سێداره‌ی په‌خشان عه‌زیزی و وریشه مورادی بوون.
باوك و برای نه‌مر فوئاد سه‌واری له په‌یامه‌كه‌یاندا وێڕای شه‌رمه‌زاركردنی سزای سێداره، داوایان له هه‌موو ڕێكخراوه‌كانی مافی مرۆڤ كرد ده‌نگی به‌ندكراوانی سیاسی ئێران بن و به ڕێگه له به‌ڕێوه‌چوونی حوكمی ئێعدامی وریشه مورادی و په‌خشان عه‌زیزی بگرن. له‌لایه‌كی دیكه‌وه، په‌روانه حسێن په‌ناهی خۆشكی نه‌مر ڕامین حسێن په‌ناهی، له په‌یامێك دا حوكمی ئێعدامی په‌خشان عه‌زیزی و وریشه مورادی به نادادپه‌روه‌رانه ناو برد و خوازیاری هه‌ڵوه‌شانه‌وه‌ی سزای سێداره‌یان بوو.
