48
به‌پێی هه‌واڵی گه‌یشتوو، به‌كرێگیراوانی كۆماری ئیسلامی له پارێزگای كرماشان، ده‌ستیان داوه‌ته چاندنی خه‌شخاش له شاره‌كانی هه‌رسین، سه‌حنه، كه‌نگاوه‌ر و ڕۆژهه‌ڵاتی كرماشان و له‌لایه‌ن حكوومه‌ته‌وه پشتیوانی ده‌كرێن.
به‌پێی ئه‌و ڕاپۆرته، داموده‌زگا په‌یوه‌ندیداره‌كان به ڕواڵه‌ت به‌ره‌نگاری مادده‌ی هۆشبه‌ر ده‌بنه‌وه و له ڕێگه‌ی پڕۆپاگه‌ندای حكوومه‌تیه‌وه مه‌زاری خه‌شخاش له ناو ده‌به‌ن، به‌ڵام ڕووبه‌رێكی زۆر له زه‌وی و زاری پارێزگای كرماشان بۆ چاندنی خه‌شخاش و به‌رهه‌مهێنانی ته‌ریاك و هێرۆئین ته‌رخان كراوه. ده‌ست و پێوه‌نده‌كانی ڕژیم كه‌شاوه‌رزان بۆ ده‌سته‌به‌ركردنی داهاتێكی زۆرتر به‌ره‌و چاندنی خه‌شخاش هان ئه‌ده‌ن و چالاكانی مه‌ده‌نی ئه‌و پارێزگایه ده‌ڵێن: كرماشان وه‌كوو ئه‌فغانستانێكی بچووكی لێ هاتووه.
