25
وریشه مورادی، په‌خشان عه‌زیزی، مه‌حبووبه ڕه‌زایی، نه‌رگس محه‌ممه‌دی و په‌ریوه‌ش موسه‌له‌می له په‌روه‌نده‌یه‌كی هاوبه‌ش دا سه‌رجه‌م به ٢٧ مانگ و یه‌ك ڕۆژ زیندان مه‌حكووم كراون.
به‌پێی حوكمی دادگای تاوانه‌كانی ژماره‌ی ٢ی كۆمه‌ڵه‌ی قه‌زایی قودس له تاران كه له‌لایه‌ن قازی ئه‌بولفه‌زل عامری شه‌هرابی ده‌رچووه، په‌خشان عه‌زیزی، مه‌حبووبه ڕه‌زایی، نه‌رگس محه‌ممه‌دی و وریشه مورادی هه‌ر یه‌ك به شه‌ش مانگ زیندان و په‌ریوه‌ش موسه‌له‌می به سێ مانگ و یه‌ك ڕۆژ زیندان به بیانووی سه‌رپێچی له فه‌رمانی مه‌ئمووری ده‌وڵه‌ت، تێكدانی ئاسایشی زیندان و ڕووخاندنی ئه‌مواڵی ده‌وڵه‌تی مه‌حكووم كراون.
