16
بزووتنه‌وه‌ی ژنانی ئازادیخوازی شاری سنه به بۆنه‌ی دووهه‌مین ساڵڕۆژی قه‌تڵی حكوومه‌تی ژینا ئه‌مینی و ده‌ستپێكی شۆڕشی ژن،ژیان،ئازادی به‌یاننامه‌یه‌كێان بڵاو كرده‌وه و دووپاتیان كرده‌وه كه تا دوایین هه‌ناسه درێژه به ڕێگا و ڕێبازی گیانبه‌ختكردووانی ڕێگای ئازادی و به‌رابه‌ری ئه‌ده‌ن.
بزووتنەوەی ژنانی ئازادیخوازی سنە وێڕای ئاماژەدان بە دینامیزم و گشتگیریی ئەم بزووتنەوەیە ڕایانگه‌یاند كه شۆڕشی ژن،ژیان،ئازادی داواكارییه‌كانی هه‌موو چین و توێژه‌كانی كۆمه‌ڵگای له خۆ گرتووه و ده‌نگی مافخوازی ئه‌و شۆڕشه هه‌رگیز كپ ناكرێت. به‌ڵێنمان داوه كه تا كه‌یشتن به ئامانجه‌كانی ئه‌و بزووتنه‌وه‌یه له گۆڕپانی خه‌بات دا بمێنینه‌وه و هه‌رگیز بۆ داگیركه‌ران و زاڵمان كۆڵ ناده‌ین.
