شه‌وی چوارشه‌ممه ٣ی ڕێبه‌ندان، شارومه‌ندانی خه‌ڵكی سنه له ئاویه‌ری سه‌ربه‌رزه‌وه پەیامی پیرۆزبایی مانگرتنی گشتیان بۆ خه‌ڵكی شۆڕشگێڕی كوردستان بڵاو كرده‌وه و ده‌ستخۆشیان له بازاڕیانی ئازادیخواز كرد.
ده‌قی په‌یامه‌كه به‌م شێوه‌یه، لە ئاویەرەوە بۆ دەنگی شۆڕش. دەنگی شۆڕش گوێ ڕادێرە تا هەواڵی سەرکەوتنت پێ ڕابگەیەنم. راسپاردە و پەیامەکەت لێرەوە تا ئەوپەڕی کوردستان رۆیشت و وەک خۆی جێبەجێ کرا. چوارشەممە هەموو دووکان و بازاڕەکان داخران و جارێکی دیکە سەرکەوتنی مەزن تۆمار کرا. ئەمپەر تا ئەوپەڕی کوردستان جارێکی دیکەش بە عەزم و ئیرادەی پۆڵایین، رژیمی پەت و سێدارەی بە چۆکدا هێنا. هەموو رەنگە جیاوازەکان بە دەنگی هاوبەش بە بەرچاوی ئەبڵەقی لایه‌نگه‌رانی تاریکی، چوونە مەیدانی خوڵقاندنی حەماسەیەکی دیکەوه. دەستت خۆش کوردستانی شۆڕشگێڕ. سڵاو لە خۆڕاگری و ئیراده‌ی به‌هێزێت. سڵاو لە بەژن و باڵای کوڕان و کچانی خۆڕاگرت. تۆ مەکۆی شۆڕشێکیت کە جێی شانازی هەموومانیت.
