11
ڕۆژی دووشه‌ممه ١١ی خاكه‌لێوه‌ی ١٤٠٤، له شاری سنه بنه‌ماڵه و دۆستانی گیانبه‌ختكردووانی شۆڕشی “ژن، ژیان، ئازادی” به سه‌ردانی گڵكۆی ئه‌و ئازیزانه په‌یمانیان له‌گه‌ڵ نوێ كرده‌وه.
به پێی ئه‌و وێنانه‌ی بڵاو بوونه‌ته‌وه، بنه‌ماڵه و دۆستانی گیانبه‌ختكردووانی شۆڕشی “ژن، ژیان، ئازادی” سه‌ره‌ڕای گوشاری ناوه‌نده ئه‌منیه‌كان بۆ سه‌ریان، سه‌ردانی گڵكۆی ئازیزانیان كرد و به دانانی گوڵی سوور له سه‌ر گڵكۆكانیان و هه‌روه‌ها خوێندنی شیعر، یادیانیان به‌رز ڕاگرت. جێگای ئاماژه‌یه له ڕۆژانی ڕابردوودا، كۆمه‌ڵێك له ئه‌ندامانی بنه‌ماڵه دادخوازه‌كان له كوردستان بۆ ناوه‌نده قه‌زایی و ئه‌منیه‌كانی ڕژیم بانگهێشت كراون و ژماره‌یه‌كیان ده‌ستبه‌سه‌ر كراون و هێشتا چاره‌نووسیان دیار نییه.
