112
ڕۆژی شه‌ممه ١٩ی جۆزه‌ردان، كۆمه‌ڵێك له ئێرانیانی ئازادیخوازی دانیشتووی وڵاتی ئاڵمان به پێی ڕه‌واڵی هه‌ر شه‌ممه، له شاری فه‌ڕانكفۆرت كۆبوونه‌وه و خوازیاری ڕاگرتنی سزای ئێعدام له ئێران بوون.
شه‌ممه‌ی هه‌ر حه‌فته ئێرانیانی ئازادیخواز له شاری فڕانكفۆرت دژبه كۆماری ئیسلامی خۆپێشاندان ده‌كه‌ن. به‌شداربووانی ئه‌و چالاكییه به به‌ده‌سته‌وه‌گرتنی وێنه‌ی قوربانیانی سه‌ركوتی ڕژیم و وتنه‌وه‌ی دروشم دژبه به‌رپرسانی قه‌زایی و ئه‌منیه‌تی كۆماری ئیسلامی، خوازیاری ڕاگرتنی سزای ئێعدام و ئازادی هه‌موو به‌ندكراوانی سیاسی بوون. شایانی باسه كه ژماره‌یه‌ك له چالاكانی سیاسی ئاڵمانیش له‌و چالاكییه دا به‌شدار بوون و داوایان له یه‌كێتی ئورووپا كرد به‌رپرسانی قه‌زایی و ئه‌منیه‌تی ڕژیم سزا بده‌ن.
