4
به‌پێی ئه‌و وێنانه‌ی به ده‌ستمان گه‌یشتووه، تێكۆشه‌رانی شۆڕشی ژن،ژیان،ئازادی له چه‌ندین شاری ئێران دیواره‌كانیان به دروشمی دژه حكوومه‌ت نه‌خشاندووه و خوازیاری گه‌ڕانه‌وه‌ی خه‌ڵك بۆ سه‌ر شه‌قام بوون.
كچان و كوڕانی ئازادیخواز و به‌رابه‌ری ته‌ڵه‌بی ئێران له دروشمه‌كانیان دا خوازیاری ڕووخانی حكوومه‌تی كۆماری ئیسلامی بوون و ڕایانگه‌یاند: ئه‌و ژیانه، شایسته‌ی خه‌ڵكی ئێران نییه. ڕژیمی سه‌ركوتگه‌ر به درووستكردنی ئه‌و باروودۆخه ده‌یه‌وێت هێدی هێدی خه‌ڵك بكوژێت و كه‌مترین بایه‌خێك به ژیان و مه‌عیشه‌تی جه‌ماوه‌ر نادات. خه‌ڵكی ئێران ئه‌بێ وریا بن و به مه‌به‌ستی گۆڕانی ئه‌و باروودۆخه متمانه به خۆیان بكه‌ن و به ته‌مای ده‌ستێوه‌ردانی ده‌ره‌كی نه‌بن.
