61
به‌پێی هه‌واڵی گه‌یشتوو، ڕۆژی چوارشه‌ممه ٢٥ی ڕێبه‌ندان، لایه‌نگرانی كۆمه‌ڵه و حیزبی كۆمۆنیستی ئێران به بۆنه‌ی ٢٦ی ڕێبه‌ندان، ساڵڕۆژی ئاشكرابوونی كار و چالاكییه‌كانی كۆمه‌ڵه، مه‌راسمێكیان به‌ڕێوه برد.
به‌شداری بووانی ئه‌و مه‌راسمه وێڕای به‌رزنرخاندنی یادی ٤٥ ساڵه‌ی ئاشكرابوونی چالاكییه‌كانی كۆمه‌ڵه، ڕێزیان له یادی ته‌واوی گیانبه‌ختكردووانی ڕێگای ئازادی و به‌رابه‌ری و گیانبه‌ختكردووانی شۆڕشی ژینا گرت. چالاكانی سه‌لاسی باوه‌جانی به‌ڵێنیان دا تا دوا هه‌ناسه وه‌فادار به ئامانجه‌كانی كۆمه‌ڵه و حیزبی كۆمۆنیستی ئێران بن و ڕێگای گیانبه‌ختكردووانی ئه‌و ڕێبازه درێژه پێ بده‌ن.
