به‌پێی هه‌واڵی گه‌یشتوور، ڕۆژی چوارشه‌ممه ٢٥ی ڕێبه‌ندان، لایه‌نگرانی كۆمه‌ڵه وحیزبی كۆمۆنیستی ئێران له ده‌ورووبه‌ری ئاوایی مه‌ره‌بزانی سنه، به‌بۆنه‌ی ٢٦ی ڕێبه‌ندان، ساڵڕۆژی ئاشكرابوونی كار و چالاكییه‌كانی كۆمه‌ڵه، چالاكییان ئه‌نجام دا.
به‌شداربووانی ئه‌و مه‌راسمه، به هه‌ڵكردنی ئاڵای پیرۆزی كۆمه‌ڵه و بڵاوكردنی پلاكارد به دروشمی “پیرۆز بێت ٢٦ی ڕێبه‌ندان، ڕۆژی كۆمه‌ڵه”، ساڵڕۆژی ئاشكرابوونی كار و چالاكییه‌كانی كۆمه‌ڵه‌یان له هه‌موو پێشمه‌رگه‌كان و ئه‌ندامانی كۆمه‌ڵه و حیزبی كۆمۆنیستی ئێران، هه‌روه‌ها بنه‌ماڵه‌ی سه‌ربه‌رزی شه‌هیدان پیرۆزبایی كرد و به‌ڵینیان دا تا دوا دڵۆپی خوێنیان درێژه به‌و ڕێگه و ڕێبازه بده‌ن. تێكۆشه‌رانی كۆمه‌ڵه ڕایانگه‌یاند كه دانیشتووانی گوندی مه‌ره‌بزان هه‌موو هه‌ڵبژاردنه‌كانیان بایكۆت كردووه و ئێستا داوا له خه‌ڵك ده‌كه‌ن كه هاوشێوه‌ی خه‌ڵكی خۆڕاگری ئه‌و گونده هه‌ڵبژاردنه‌كانی كۆماری ئیسلامی بایكۆت بكه‌ن و تێدا به‌شدار نه‌بن.
