به‌یانی سێشه‌ممه ٢٠ی سه‌رماوه‌ز، به‌ندكراوانی سیاسی ڕاگیراو له ٢٥ به‌ندیخانه‌ی ئێران هاوكات له‌گه‌ڵ ڕۆژی جیهانی مافه‌كانی مرۆڤ بۆ چل و شه‌شه‌مین حه‌فته‌ی به‌رده‌وام مانیان گرت.
به‌ندكراوانی مانگرتوو له به‌یاننامه‌كه‌یاندا ئاماژه‌یان به هاوكات بوونی ڕۆژی جیهانی مافی مرۆڤ له‌گه‌ڵ ڕووخانی دیكتاتۆری به‌شار ئه‌سه‌د كرد و وێڕای پیرۆزباییكردنی له خه‌ڵكی سووریه، ئه‌و ڕووداوه‌یان وه‌كوو خاڵێكی وه‌رچه‌رخانی مێژوویی ناو برد و ڕایانگه‌یاند: ئێستا كه به‌شار ئه‌سه‌د ڕووخاوه ئه‌بێ سه‌ره‌نجی ڕێكخراوه‌كانی مافی مرۆڤ زۆرتر بخرێته سه‌ر جه‌نایه‌ته‌كانی كۆماری ئیسلامی له زیندانه‌كانی ئێران و هه‌ڵمه‌تێكی به‌هێز بۆ هه‌ڵوه‌شانه‌وه‌ی سزای سێداره ده‌ست پێ بكات. مانگرتووان هه‌روه‌ها وتیان: كارزای نا بۆ ئێعدام ده‌رفه‌تێكی نایابه بۆ چه‌ك كردنی كۆماری ئیسلامی.
