63
كه‌شاوه‌رزانی ئیسفه‌هانی ڕۆژی هه‌ینی ١٢ی گه‌لاوێژ، بۆ چواره‌مین ڕۆژی به‌رده‌وام له ناڕه‌زایه‌تی به نه‌دانی حه‌ق ئاوه‌ی زایه‌نده‌ڕوود درێژه‌یان به مانگرتن دا.
ماوه‌ی چوار ڕۆژه كه‌شاوه‌رزانی ئیسفه‌هانی به تراكتۆره‌كانیانه‌وه له مه‌یدانی خۆراسگان مانیان گرتووه. كرێكارانی ناڕازی خێوه‌تیان هه‌ڵداوه و داوا ده‌كه‌ن حه‌ق ئاوه‌ی زایه‌نده‌ڕوودیان پێ بدرێت تاكوو زیاتر له‌وه تووشی زیان نه‌بن. ناڕازیان ڕایانگه‌یاند: سیاسه‌ته هه‌ڵه‌كانی كۆماری ئیسلامی له بواری كشتوكاڵ و سه‌نعه‌ت دا بووه‌ته هۆی له ناوچوونی تاڵاوه‌كان، وشكبوونی سه‌رچاوه ئاوییه‌كانی ژێر زه‌وی، داڕمانی زه‌وی و كۆچكردنی گوندنشینان بۆ شاره‌كانی دیكه.
