7
سه‌رۆكی پۆلیسی هاتووچۆی كۆماری ئیسلامی ڕۆژی دووشه‌ممه ١١ی خاكه‌لێوه ڕایگه‌یاند: له ماوه‌ی ١٦ ڕۆژی ڕابردوودا به لانیكه‌م ٦٤٠ كه‌س به‌هۆی ڕووداوی هاتووچۆ له جاده‌كانی ئێران دا گیانیان له‌ده‌ست داوه.
به وته‌ی ئه‌و به‌رپرسه ده‌وڵه‌تییه، له ماوه‌ی ١٦ ڕۆژی ڕابردوودا ٨٠ هه‌زار و ٩٢٩ ڕووداوی هاتووچۆ له جاده‌كانی ئێران دا ڕووی داوه و له ئاكامی ئه‌و ڕووداوانه‌دا، ٦٤٠ كه‌س گیانیان له‌ده‌ست داوه و به سه‌دان كه‌س بریندار بوون. جێگای ئاماژه‌یه كه نه‌بوونی ئیمه‌نی جاده‌یی، خراپی ڕێگه‌وبان، كوالێتی نزمی ئۆتومبێله‌كانی به‌رهه‌می نێوخۆ و له‌به‌رچاو نه‌گرتنی ڕێنمایه‌كان سه‌ره‌كی ترین هۆكاره‌كانی به‌رزبوونه‌وه‌ی ئاماری قوربانیانی ڕووداوی هاتووچۆ له ئێرانه.
