10
به‌پێی ڕاپۆرتی چالاكانی بواری بێهداشت و ده‌رمان، ئاماری به‌دونیا هاتنی منداڵانی كه‌مئه‌ندام به‌هۆی سیاسه‌ته‌كانی ده‌وڵه‌ت به شێوه‌یه‌كی به‌رچاو زیادی كردووه.
به‌پێی بڕگه‌ی ٥٣ی یاسای پاڵپشتی له خێزان و جه‌وانی جه‌معیه‌ت، وه‌زاره‌تی بێهداشت ئه‌ركدار كراوه هه‌موو بڕیاره‌كان سه‌باره‌ت به ڕێگری له دووگیانی و پێدانی كه‌ڕه‌سته‌ی ڕێگری له دووگیانی له هه‌موو ده‌رمانخانه‌كان و ناوه‌نده ده‌رمانییه‌كان هه‌ڵوه‌شێنێته‌وه. به پێی ئه‌و یاساییه، هه‌ر پزیشك یان په‌ره‌ستارێك یارمه‌تی ژنانی دووگیان بۆ خستنی كۆرپه‌ڵه بدات زیندانی ده‌كرێت و مۆڵه‌تی مه‌ته‌به‌كه‌ی هه‌ڵده‌وه‌شێته‌وه و جه‌ریمه‌ی ماڵی ده‌كرێت. سیاسه‌ته‌كانی ده‌وڵه‌ت له بواری جه‌وانی جه‌معیه‌ت دا بووه‌ته هۆی به‌دونیا هاتنی منداڵانی كه‌م ئه‌ندام و بنه‌ماڵه‌كان تووشی كێشه بوون.
