46
ڕۆژی شه‌ممه ١٥ی گوڵان، ئه‌نجومه‌نی قه‌ڵه‌می ئه‌مریكا ڕاپۆرتی ساڵانه‌ی خۆی له‌سه‌ر ئازادی ڕاده‌ربڕین له ئێران بڵاو كرده‌وه و ڕایگه‌یاند كه ئێران دووهه‌مین زیندانی گه‌وره‌ی نووسه‌ران له دوای چین له جیهانه.
به‌پێی ئه‌و ڕاپۆرته، ده‌زگای قه‌زایی كۆماری ئیسلامی له ساڵی ٢٠٢٣ی زاینی دا ٤٩ نووسه‌ری ده‌ستبه‌سه‌ر و زیندانی كردووه. زیندانی كردنی ئه‌و نووسه‌رانه ته‌نیا له‌به‌ر ئه‌وه بووه كه له‌سه‌ر گه‌شتی ئێرشاد بابه‌تیان نووسیوه و ڕه‌خنه‌یان له حیجابی ئیجباری و هه‌ڵسووكه‌تی ڕژیم گرتووه. زیندانی كردنی ئه‌و ٤٩ كه‌س نیشانه‌ی سه‌ركوتی وه‌حشیانه‌ی ئازادی ڕاده‌ربڕین له ئێرانه و ئه‌و وڵاته له پله‌ی دووهه‌می جیهانی دا جێی گرتووه.
