ڕۆژی دووشه‌ممه ١ی گلاوێژ، دوایین ڕاپۆرتی جاوید ڕه‌حمان، ڕاپۆرتێری مافی مرۆڤی نه‌ته‌وه‌یه‌كگرتووه‌كان له كاروباری ئێران، بڵاو كرایه‌وه.
جاوید ڕه‌حمان له ڕاپۆرته‌كه‌یدا، به‌رپرسانی كۆماری ئیسلامی به كۆمه‌ڵكوژی به‌ندكراوانی سیاسی و جه‌نایه‌ت دژی مرۆڤایه‌تی له ساڵه‌كانی سه‌ره‌تای ده‌یه‌ی ٦٠ و ژینۆسایدی به‌ندكراوانی سیاسی له ساڵی ٦٧ تۆمه‌تبار كرد. جاوید ڕه‌حمان له كۆتایی ڕاپۆرته‌كه‌یدا خوازیاری ده‌ستبه‌سه‌ركردنی تاوانباران، مه‌حاكمه‌كردنیان و ته‌زمینی دادپه‌روه‌ری بۆ قوربانیانی ئه‌و جه‌نایه‌ته بوو. شایانی باسه كه كۆمیسری باڵای مافی مرۆڤی نه‌ته‌وه‌یه‌كگرتووه‌كان سه‌باره‌ت به‌و ڕاپۆرته به‌یانیه‌یێكی بڵاو كردووه‌ته‌وه و جاوید ڕه‌حمان له‌سه‌ر سه‌ركوتی وه‌حشیانه‌ی ناڕازیان و پێشێلكردنی مافی مرۆڤ له‌لایه‌ن حكوومه‌ته‌وه نیگه‌رانیه‌كانی خۆی بۆ كۆمه‌ڵگای جیهانی باس كردووه.
