5
ڕۆژی هه‌ینی ٧ی به‌فرانباری ١٤٠٣، دوو هاووڵاتی خه‌ڵكی گوندی پسوه‌ی سه‌ر به پیرانشار به ناوه‌كانی ئارام محه‌ممه‌دی و بێهزاد مه‌حموودی له‌لایه‌ن هێزه ئه‌منیه‌كانه‌وه ده‌ستبه‌سه‌ر كران.
به‌پێی زانیارییه‌كان، هێزه ئه‌منیه‌تیه‌كانی ڕژیم به بێ به‌ڵگه‌ی قه‌زایی هێرشیان كردووه‌ته سه‌ر ماڵی ئه‌و دوو هاووڵاتیه و به توندووتیژییه‌وه ده‌ستبه‌سه‌ریان كردوون. له ڕۆژانی ڕابردووش دا چه‌ندین شارومه‌ندی دیكه له شاره‌كانی جوانڕۆ، بۆكان، دیوانده‌ره و سنه له‌لایه‌ن ئیداره‌ی ئیتلاعاته‌وه ده‌ستبه‌سه‌ر و چاره‌نووسیان به ناڕوونی ماوه‌ته‌وه.
