35
شه‌وی پێنجشه‌ممه ١٢ی ڕێبه‌ندان، مه‌ئموورانی شاره‌داری و هێزه‌كانی سپای پاسداران به چه‌ند ئۆتۆمبێلی نیزامییه‌وه هێرشیان بردۆته سه‌ر ماڵی خه‌ڵك له ناوچه‌ی ئه‌میرئابادی چابه‌هار و وێڕای بێڕێزیكردن،ماڵه‌كانیان به‌سه‌ریاندا ڕووخاندووه.
به‌پێی ڕاپۆرتی ڕێكخراوی حال وه‌ش، هێزه‌كانی سپای پاسداران كاتێك له‌گه‌ڵ به‌رگری ژنانی به‌لووچ به‌ڕه‌وڕوو بوونه‌ته‌وه، له شۆكێری به‌رقی و بێڕێزی بۆ چۆڵكردن و ڕووخاندنی ماڵه‌كان كه‌ڵكیان وه‌رگرتووه. پێشتریش له چه‌ند ناوچه‌ی په‌راوێزنشینی دیكه‌ی چابه‌هار، سپای پاسداران و شاره‌داری ئه‌و شاره به‌بێ به‌ڵگه‌ی قه‌زایی خانوو و كه‌په‌ری خه‌ڵكی هه‌ژاریان ڕووخاندبوو.
