36
ڕۆژی چوارشه‌ممه ١١ی ڕێبه‌ندانی ١٤٠٢، شاره‌داری، ئیداره‌ی ڕێگه‌و شارسازی و هێزه ئینتزامییه‌كانی ڕژیم له شاركانی زاهدان و چابه‌هار، هێرشیان كرده سه‌ر ناوچه په‌راوێزنشینه‌كان و ماڵی خه‌ڵكی هه‌ژاریان ڕووخاند.
به‌پێی ڕاپۆرتی ڕێكخراوی حال وه‌ش، هێزه‌كانی حكوومه‌ت به لۆدێر و كه‌ره‌سته‌ی نیزامیه‌وه هێرشیان كردۆته سه‌ر خه‌ڵكی هه‌ژار و كه‌په‌رنشین له ئه‌حمه‌دئابادی چابه‌هار و غه‌فوورئابادی زاهدان و ماڵه‌كانیان به‌سه‌ر خه‌ڵكی هه‌ژار و بێده‌ره‌تان دا ڕووخاندووه. به‌وته‌ی چالاكانی به‌لووچ، دانیشتووانی ئه‌و دوو ناوچه ساڵانێكه له‌و شوێنانه نیشته‌جین و كاروباریان كشاوه‌رزی و ئاژه‌ڵدارییه، به‌ڵام ئێستا كۆماری ئیسلامی زه‌مینه‌كانی ئه‌و دوو گونده‌ی وه‌كوو “ئه‌رازی میللی” ناو بردووه و خه‌ریكه خه‌ڵكی هه‌ژار ئاواره ده‌كات.
