شه‌وی هه‌ینی ٣٠ی سه‌رماوه‌ز، هاوكات له‌گه‌ڵ مه‌راسیمه‌كانی شه‌و چله‌ی زستان، بنه‌ماڵه دادخوازه‌كان خه‌زه‌ڵوه‌ری ٩٨ و شۆڕشی ژینا له‌سه‌ر مه‌زاری ئازیزانیان مه‌راسمی شه‌وی یه‌لدایان به‌ڕێوه برد.
به‌پێی ڕاپۆرته‌كان، بنه‌ماڵه‌ی كیان پیرفه‌له‌ك، یه‌لدا ئاقافه‌زلی، سپێهر ئه‌عزه‌می، محه‌ممه‌د كووچه‌كسه‌رایی، عێرفان خه‌زایی، جه‌واد حه‌یدره‌ی، سیاوه‌ش مه‌حموودی و پێدرام ئازه‌رنووش مه‌زاری ئازیزانیان گڵباران كردووه و له چه‌ندین په‌یامی جیاجیادا ڕایانگه‌یاندووه كه ڕووناكی به‌سه‌ر تاریكی دا سه‌ر ئه‌كه‌وێت. له لاله‌یه‌كی دیكه‌وه، كۆمه‌ڵێك له دادخوازانی شۆڕشی ژینا له ماڵی یه‌لدا ئاقافه‌زلی كۆبوونه‌وه و وێڕای ڕێزگرتن له یادی هه‌موو گیانبه‌ختكردووانی شۆڕشی ژینا، په‌یمانیان له‌گه‌ڵ ئاواته‌كانیان نوێ كرده‌وه. دایكانی دادخواز هیوایان خواست یه‌لدای ساڵی داهاتوو سه‌ركوتنی حه‌ق و ئازادی به‌سه‌ر زۆڵم و تاریكی دا جێژن بگرن.
