ڕۆژی هه‌ینی ٨ی خاكه‌لێوه‌ی ١٤٠٤، كۆمه‌ڵێك له ئازادیخوازان و به‌رابه‌ری ته‌ڵه‌بانی شاری سنه له سه‌ر مه‌زاری فه‌تحۆڵڵا لوتفۆڵڵانژادیان كۆبوونه‌وه و ڕێزیان له یادی ئه‌و هه‌میشه زیندووه و هه‌موو گیانبه‌ختكردووانی ڕێگای ئازادی و به‌رابه‌ری گرت.
ئه‌و مه‌راسیمه به بۆنه‌ی ساڵڕۆژی گیانبه‌ختكردنی ٩ تێكۆشه‌ری ڕێگای سۆسیالیزم له مانگی خاكه‌لێوه‌ی ساڵی ١٣٥٨ی هه‌تاوی به‌ڕێوه چووه، ٩ كه‌سایه‌تی ئازا و خه‌باتكار كه بۆ پشتیوانی له خه‌ڵكی تۆركه‌مه‌ن سه‌حرا ڕۆیشتبوون و له‌و ڕێگایه دا گیانیان له‌ده‌ست دا. له‌و ڕێوڕه‌سمه‌دا ڕێز له یادی ئیسماعیل عه‌لی په‌ناهی، فه‌ریده زه‌كه‌ریایی، دكتۆر فه‌تحۆڵڵا لوتفۆڵڵانژادیان، جه‌میل سه‌جادی، گوڵڕیز قوبادی، فائیزه قوتبی، جه‌میل زه‌كه‌ریایی و دكتۆر ئه‌سعه‌د وه‌زیری گیرا و په‌یمان له‌گه‌ڵ ئاواته‌كانیان نوێ كرایه‌وه.
