4
خانه‌نشینكراوانی سه‌نعه‌تی فولاد له شاره‌كانی ئیسفه‌هان، ئه‌هواز و قائیمشار، ڕۆژی یه‌كشه‌ممه ٣٠ی به‌فرانبار، به پێی ڕه‌واڵی هه‌ر حه‌فته ڕژانه سه‌ر شه‌قام و به ڕێپێوان و وتنه‌وه‌ی دروشم خوازیاری جێبه‌جێكردنی داخوازییه‌كانیان بوون.
خانه‌نشینكراوانی ناڕازی به به‌ده‌سته‌وه‌گرتنی پلاكارد خوازیاری زیادكردنی حه‌قده‌ست، پێدانی مه‌زایا بڕاوه‌كان، هاوسانسازی حه‌قده‌ست، هه‌ڵوه‌شانه‌وه‌ی بڕیاری ده‌وڵه‌ت بۆ تێكه‌ڵكردنی سندووقه‌كانی خانه‌نشینی و گه‌ڕانه‌وه‌ی سه‌ربه‌خۆیی به سندووقی خانه‌نشینی كرێكارانی سه‌نعه‌تی فولاد بوون.
